Italiensk pizza

"Ekte" italiensk pizza...

...var Trapp sitt store ynskje for dagen etter at han var i bursdag i går og fekk verdas beste pizza av naboen! Då måtte eg til å laga nokre tynne, italiensk-look-alike smaksbomber...

Pizzadeig:

1 pakke pizzagjær

1 ts salt

3,5 dl lunka vatn

kveitemjøl

Del deigen i fire og la dei kvila litt før du kjevler dei ut.

Det er mange måtar å starta å fylla pizzaen på.
Her kjem nokre forslag:

Forslg 1:

Pizzasaus på glas.

Forslag 2:

Del tomater i to og pirk bort kjernene. Legg dei i ein foodprosessor/blender ilag med basilikumblader og knus dei. Du kan godt ta litt maldonsalt oppi også. Legg dette på pizzabunnen.

Forslg 3:

Smør pizzadeigen med Tine Kremost (urter/krydder/pepper)

Forslag 4:

Kombiner forslag 2 og forslag 3.

Etter at du har bestemt deg for korleis du vil starta, må du tenka på kva du likar å ha på. Her kjem nokre forslag:

pepperoni, spekeskinke + blåskimmelost, kyllingkjøt i småbitar, nokre kjøttdeigbitar, champinong, strimler av biffkjøt...

Trapp hadde lyst på pepperoni, så då vart det pizzasaus + pepperoni + ost til dei minste.

I tillegg lagde eg pizza med smøreost, tomater+basilikum, spekeskinke + blåskimmelost og ost.

Eg er så heldig å ha pizzafunksjon på steikeomnen min (juhuu!), og det betyr at pizzaen steiker ved 250 grader i 12 minutt.

 Hugs at bunnen skal vera tynn og ha sprø kantar!

På toppen må ein ha litt ost og kanskje litt pizzakrydder...